A Non-Profit Non-Commercial Public Service Initiative by Alka Vibhas   
वेड्या बहिणीची रे वेडी

सोनियाच्या ताटी उजळल्या ज्योती
ओवाळीते भाऊराया रे
वेड्या बहिणीची रे वेडी माया

माया माहेराची पृथ्वीमोलाची
साक्ष याला बाई चंद्रसूर्याची
कृष्ण द्रौपदीला सखा रे भेटला
पाठीशी राहु दे छाया रे
वेड्या बहिणीची रे वेडी माया

चांदीचे ताट चंदनाचा पाट
सुगंधी गंध दरवळे, रांगोळीचा थाट
भात केशराचा घास अमृताचा
जेवू घालिते भाऊराया रे
वेड्या बहिणीची रे वेडी माया

नवलाख दिवे हे निळ्या आभाळी
वसुंधरा अशी चंद्रा ओवाळी
नक्षत्रांचा सर येई भूमीवर
पसरी पदर भेट घ्याया
चंद्र वसुधेला सखा रे भेटला
पाठीशी राहु दे छाया रे
वेड्या बहिणीची रे वेडी माया
गीत - कवी संजीव
संगीत - वसंतकुमार मोहिते
स्वर- आशा भोसले
चित्रपट - भाऊबीज
गीत प्रकार - चित्रगीत
वसुंधरा (वसुधा, धरा) - पृथ्वी.

 

Print option will come back soon