वृंदावनात माझ्या ही तुळस डोलते
मी प्रीतभावभोळी पतीदेव पूजिते

घरकूल सानुलेसे या दोन जीवितांचे
येथे सुखात नांदे हे राज्य वैभवाचे
सखयास मी मनाचे हे फूल वाहते

रघुनंद-श्याम-विष्णू त्यांच्यात मी पहाते
सानंद प्रीतीगंगा त्यांच्या हृदी वाहते
तृप्ती मनोरथांची त्यांच्यात राहते

गतजन्मींच्या तपाचे हे पुण्य ये फळाला
या एक भाबडीला राजा गुणी मिळाला
दोघांस ईश्वराशी मी सौख्य मागते