A Non-Profit Non-Commercial Public Service Initiative by Alka Vibhas   
यमपाश गळ्याशीं ज्यास

यमपाश, गळ्याशीं ज्यास लागला,
त्यास मला कां देतां? ।
कां मांस विकुनि, धर्मास वाकडे जातां? ।
पाळिलें घातलें खाया, अजवरी ।
बकरीस मोल बहु याया, ज्यापरी ।
ही तुमचि मुलीवर माया, कां खरी? ।
जगतांत, सदय सकळांत माउली तात,
मुलीला असतां ।
मग तुम्हीच इतके कठोर कां गे होतां? ॥
गीत- गो. ब. देवल
संगीत - गो. ब. देवल
स्वर -
नाटक- संगीत शारदा
चाल-मम गौरीही कूपि न मी
गीत प्रकार - नाट्यगीत