A Non-Profit Non-Commercial Public Service Initiative by Alka Vibhas   
आई होऊन चुकले का मी

आई होऊन चुकले का मी?
पोर पोटची देत न ओळख, आईपणाला मुकले का मी?

नऊ मासाचा, पहिलेपणीचा, गर्भभारही मीच वाहिला
पदराआडून अमृत पान्हा या मायेने जिला पाजिला
तळहाताच्या फोडापरी हो या लेकीला जपले का मी?

पती विरहाचे दु:ख विसरूनि शोधित आले तुजला पोरी
'आई' म्हण तू या आईला, सांगायाची झाली चोरी
अभागिनीचे सुख हे इवले तुलाही देवा खुपले का?
गीत- पी. सावळाराम
संगीत - विश्वनाथ मोरे
स्वर - आशा भोसले
चित्रपट- माय माउली
गीत प्रकार - चित्रगीत