A Non-Profit Non-Commercial Public Service Initiative by Alka Vibhas   
आईसारखे दैवत सार्‍या

आईसारखे दैवत सार्‍या जगतावर नाही
म्हणून श्रीकाराच्या नंतर शिकणे अ, आ, ई
मुलांनो शिकणे अ, आ, ई

तीच वाढवी ती सांभाळी
ती करी सेवा तीन त्रिकाळी
देवानंतर नमवी मस्तक आईच्या पायी

कौसल्येविण राम न झाला
देवकीपोटी कृष्ण जन्मला
शिवरायाचे चरित्र घडवी माय जिजाबाई

नकोस विसरू ऋण आईचे
स्वरूप माउली पुण्याईचे
थोर पुरुष तू ठरून तियेचा होई उतराई
उतराई - ऋणमुक्त.
श्रीकार - ग्रंथ, पत्र अथवा शुभकामाच्या आरंभी काढावयाचे ’श्री’ हे अक्षर.

 

Print option will come back soon