आई तुझी आठवण येते
आई तुझी आठवण येते
सुखद स्मृतींच्या कल्लोळांनीं काळिज काजळतें
वात्सल्याचा कुठें उमाळा, तव हाताचा नसे जिव्हाळा
हृदयाचें मम होउन पाणी, नयनीं दाटुन येतें
आई तुझ्याविण जगीं एकटा, पोरकाच मज म्हणति करंटा
व्यथा मनींची कुणास सांगूं, काळिज तिळतिळ तुटतें
हाक मारितों 'आई' 'आई', चुके लेकरूं सुन्या दिशाही
तव बाळाची हाक माउली, कां नच कानीं येते?
सुखद स्मृतींच्या कल्लोळांनीं काळिज काजळतें
वात्सल्याचा कुठें उमाळा, तव हाताचा नसे जिव्हाळा
हृदयाचें मम होउन पाणी, नयनीं दाटुन येतें
आई तुझ्याविण जगीं एकटा, पोरकाच मज म्हणति करंटा
व्यथा मनींची कुणास सांगूं, काळिज तिळतिळ तुटतें
हाक मारितों 'आई' 'आई', चुके लेकरूं सुन्या दिशाही
तव बाळाची हाक माउली, कां नच कानीं येते?
| गीत | - | बाळ कोल्हटकर |
| संगीत | - | भालचंद्र पेंढारकर |
| स्वर | - | भालचंद्र पेंढारकर |
| नाटक | - | दुरितांचें तिमिर जावो |
| राग | - | मांड, हिंडोल पंचम |
| गीत प्रकार | - | आई, नाट्यसंगीत |
| नुरणे | - | न उरणे. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !