आली सखी आली प्रियामीलना
आली सखी, आली प्रियामीलना !
काय पाहती व्याकुळ लोचन?
कानोसा घे मध्येच थबकुन
आतुर अंतरि कंपित अधरी
थरथरते कामना
आली सखी, आली प्रियामीलना !
काजळकुंकुम रेखुन ल्याली
साडी जांभळी हिरवी चोळी
घेइ तनुवरी शेला भर्जरि
लपवी यौवनखुणा
आली सखी आली, प्रियामीलना !
बकुळफुलांनी गुंफिलि वेणी
कर्णभूषणे झुलती कानी
रुणुझुणु गाती कंकण हाती
गुपित सांगती जना
आली सखी, आली प्रियामीलना !
काय पाहती व्याकुळ लोचन?
कानोसा घे मध्येच थबकुन
आतुर अंतरि कंपित अधरी
थरथरते कामना
आली सखी, आली प्रियामीलना !
काजळकुंकुम रेखुन ल्याली
साडी जांभळी हिरवी चोळी
घेइ तनुवरी शेला भर्जरि
लपवी यौवनखुणा
आली सखी आली, प्रियामीलना !
बकुळफुलांनी गुंफिलि वेणी
कर्णभूषणे झुलती कानी
रुणुझुणु गाती कंकण हाती
गुपित सांगती जना
आली सखी, आली प्रियामीलना !
| गीत | - | डॉ. वसंत अवसरे |
| संगीत | - | वसंत पवार |
| स्वर | - | पं. वसंतराव देशपांडे |
| चित्रपट | - | अवघाचि संसार |
| राग | - | भैरवी |
| गीत प्रकार | - | चित्रगीत |
| अधर | - | ओठ. |
Print option will come back soon
दाद द्या अन् शुद्ध व्हा !
पं. वसंतराव देशपांडे