A Non-Profit Non-Commercial Public Service Initiative by Alka Vibhas   
आमुचे नाव आसू ग

आमुचे नाव आसू ग!
गहिर्‍या गालांवरल्या गुलाबांच्या कलिकांनो,
ऐका ग बाई ऐका ग!

कन्या सासर्‍याशी जाते ग बाई, मागे परतुनी पहात ही आई
पापणीच्या पालखीतुनी मिरवित मिरवित नेते ग
नयनांच्या निरांजनी आम्ही जळतो वाती ग
आमुचे नाव आसू ग!

बुबुळांच्या बागेमधली ही फुलपांखरे निळी
श्रीकृष्णाच्या मुरलीवरली सात टिंबे आम्ही दिली
गवळणींच्या गळ्यांतले आम्ही हार झालो ग
आमुचे नाव आसू ग!

बिंदुएवढ्या आम्हांमध्ये-
तरते जगही बुडते ग, बुडते जगही तरते ग
आमुचे नाव आसू ग!
गीत- मनमोहन नातू
संगीत - जी. एन्‌. जोशी
स्वर - जी. एन्‌. जोशी
गीत प्रकार - भावगीत