A Non-Profit Non-Commercial Public Service Initiative by Alka Vibhas   
आंधळेपणा फिटे जिवंत

आंधळेपणा फिटे, जिवंत होतसे दिठी रे
उजेड तूच दाविलास या जिवास शेवटी रे

सूर्य-चंद्र-चांदण्या दूरदूर राहु दे
दिससी तू तसाच का? तेज मला पाहु दे..
नकोच आज लोकलाज घालु दे तुला मिठी रे

देव-दैव याहुनी मजसी तूच थोर रे
उघडताच पापणी तूच रे समोर रे
कवेत घेई बावरेस, हसव धरून हनुवटी रे

पाहणे न पाहणे, सारखेच यापुढे
वेड तेच या जगी, तुझेच रूप आवडे
खरेच रत्‍नं-माणके तुझ्यापुढे न भावती रे
गीत- ग. दि. माडगूळकर
संगीत - सुधीर फडके
स्वर - आशा भोसले
चित्रपट- देवमाणूस
गीत प्रकार - चित्रगीत
दिठी - दृष्टी.