अभंग माझा एकतारीवर
अभंग माझा एकतारीवर, गाई रूपडे तुझेच सुंदर
तुझी पाऊले सान गोजिरी, कुमकुम रंगांकित झालेली
उघड्या अंगा उटी केशरी, श्रीपदलांछन तव वक्षावर
वैजयंतीची काळी माळा, तुला शोभते रे गोपाळा
स्वैर बांधिसी कटिला शेला, हास्य सदाचे तुझ्या मुखावर
शंख-चक्र अन् गदा घेउनी सदा उभा तू भक्त रक्षणी
पद्मविभूषण कमल हुंगुनी, कमलफुलाहुन अससी कोमल
तुझी पाऊले सान गोजिरी, कुमकुम रंगांकित झालेली
उघड्या अंगा उटी केशरी, श्रीपदलांछन तव वक्षावर
वैजयंतीची काळी माळा, तुला शोभते रे गोपाळा
स्वैर बांधिसी कटिला शेला, हास्य सदाचे तुझ्या मुखावर
शंख-चक्र अन् गदा घेउनी सदा उभा तू भक्त रक्षणी
पद्मविभूषण कमल हुंगुनी, कमलफुलाहुन अससी कोमल
| गीत | - | भालचंद्र खांडेकर |
| संगीत | - | दशरथ पुजारी |
| स्वर | - | माणिक वर्मा |
| गीत प्रकार | - | हे श्यामसुंदर, भक्तीगीत |
| कटि | - | कंबर. |
| लांछन | - | डाग / कलंक. |
| वैजयंती | - | विष्णूच्या गळ्यातली काळी माळ. |
| श्रीपदलांछन | - | विष्णूचे एक नाव. भृगु ऋषींनी श्रीविष्णू यांच्या सहनशीलतेची परिक्षा घेण्यासाठी त्यांच्या छातीवर लाथ मारली असता त्यांचे चरण-चिन्ह (लांछन) तेथे राहिले. या घटनेवरून पडलेले नाव. |
| सान | - | लहान. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !