A Non-Profit Non-Commercial Public Service Initiative by Alka Vibhas   
अभंग माझा एकतारीवर

अभंग माझा एकतारीवर, गाई रूपडे तुझेच सुंदर

तुझी पाऊले सान गोजिरी, कुमकुम रंगांकित झालेली
उघड्या अंगा उटी केशरी, श्रीपद लांछन तव वक्षावर

वैजयंतीची काळी माळा, तुला शोभते रे गोपाळा
स्वैर बांधिसी कटिला शेला, हास्य सदाचे तुझ्या मुखावर

शंख-चक्र अन्‌ गदा घेउनी सदा उभा तू भक्त रक्षणी
पद्मविभूषण कमल हुंगुनी, कमलफुलाहुन अससी कोमल
कटि - कंबर.
लांछन - डाग / कलंक.
वैजयंती - विष्णूच्या गळ्यातली काळी माळ.
सान - लहान.