A Non-Profit Non-Commercial Public Service Initiative by Alka Vibhas   
अभिमानाने मीरा वदते

अभिमानाने मीरा वदते
हरिचरणाशी माझे नाते

गोकुळातला मुरलीवाला
मुरली घुमवित स्वप्‍नी आला
जादुगार तो श्याम सावळा
त्याच्यासाठी मीहि नाचते

रुणुझुणु रुणुझुणु पैंजण बोले
जीवाशिवाचे नाते जुळले
सुखदु:खाचे बंधन तुटले
सरले माझे इथले नाते

उपहासाने खुशाल बोला
अमृत गमते जहरहि मजला
भजनि गायनी जीव रंगला
मूक भावना अर्थ शोधते