A Non-Profit Non-Commercial Public Service Initiative by Alka Vibhas   
ऐकशील का रे माझे

ऐकशील का रे माझे अर्थहीन गीत?
दूर दूर जाते धरुनी उरी तुझी प्रीत !

वाट तुझी बघता दारी पाय थकुन गेले
निमंत्रणावाचुनी जवळी मरण मात्र आले
फेकलेस चरणावरचे फूल तू धुळीत !

भाग्य हेच अजुनि येतो गंध पाकळीस
स्पर्श तुझा झाला होता चुकुन या कळीस
उमलताच सुकले तरीही आयु हे पुनीत !

सूर आर्त गीताचा या तुझ्या घरी यावा
अश्रुबिंदु एकच नयनी तुझ्या ओघळावा
हेतु एक शेवटचा या थरथरे मनात !
गीत - ग. दि. माडगूळकर
संगीत - सुधीर फडके
स्वर- आशा भोसले
चित्रपट - लाखाची गोष्ट
गीत प्रकार - चित्रगीत
आर्त - दु:ख, पीडा.
पुनीत - शुद्ध, पवित्र.

Please consider the environment before printing.
कागद वाचवा.
कृपया पर्यावरणाचा विचार करा.