A Non-Profit Non-Commercial Public Service Initiative by Alka Vibhas   
अक्रुरा नेऊ नको माधवा

नेऊ नको माधवा, अक्रुरा नेऊ नको माधवा
क्रूर अक्रुरा नकोस नेऊ आनंदाचा ठेवा

खेळगडी तो गोपाळांचा
गिरिधारी रे भक्तजनांचा
तारी गोकुळ कान्हा अमुचा
सर्व सुखाचा अमोल ठेवा

कुंजवनी रे रास रंगली
तालावरती टिपरी घुमली
धुंद रात्र रे स्वप्‍नी उरली
ऐकू दे मज मंजुळ पावा

नकोस नेऊ बालमुकुंदा
वेडी होइल गौळण राधा
तुला विनविती नंद-यशोदा
नेऊ नको माधवा

 

  सुमन कल्याणपूर