A Non-Profit Non-Commercial Public Service Initiative by Alka Vibhas   
अनुसुयेच्या धामी आले

अनुसुयेच्या धामी आले त्रैलोक्याचे स्वामी
आले त्रैलोक्याचे स्वामी

गुलाल उधळा, उधळा सुमने
जयजयकारे घुमवा भुवने
पूर्णब्रह्म हे आले भूवर धर्मक्षरण्याकामी

फुलाफुलांनो सुगंध उधळा
विमलजलांनो सहर्ष उसळा
पवनलहरींनो मंगलवार्ता कळवा ग्रामोग्रामी

हाच सद्गुरू त्रैलोक्याचा
उद्धारक हा चराचराचा
हा योग्यांचा श्रीयोगेश्वर प्रभु हा त्रिभुवनगामी
अनसूया - अत्रि ऋषींची पत्‍नी. दत्त व दुर्वास ऋषी यांची माता. ब्रम्हा, विष्णु व महेश यांनी हिच्या पातिव्रत्याची कसोटी पाहण्याचा प्रयत्‍न केला असता हिने आपल्या तपोबलाने त्यांना मुले बनविले. हे तिघे मिळून दत्तात्रय अवतार झाला.
विमल - स्वच्छ / निर्मल / पवित्र / पांढरा / सुंदर.
सुमन - फूल.