A Non-Profit Non-Commercial Public Service Initiative by Alka Vibhas   
अंगणी गंगा घरात काशी

काय सांगू मी कोणापाशी
अंगणी गंगा घरात काशी

देवाहुनही उदार सुंदर
सुवासिनीचा श्रीविश्वेश्वर
जवळी माझ्या वसे दिननिशी

तपावाचुनी कृपा लाभली
हिरवळ पायी शिरी सावली
सौख्य सजविते तनामनाशी

स्वप्‍नाहून हे सत्य मनोहर
अमृत सांडे तृप्त मनावर
प्रमोद कवळी दाही दिशांशी
गीत- ग. दि. माडगूळकर
संगीत - प्रभाकर जोग
स्वर - आशा भोसले
चित्रपट- जावई माझा भला
गीत प्रकार - चित्रगीत
प्रमोद - आनंद.

 

ध्वनीफित सध्या उपलब्ध नाही.