A Non-Profit Non-Commercial Public Service Initiative by Alka Vibhas   
अंतरीच्या अपुर्‍या आशा

अंतरीच्या अपुर्‍या आशा
आकारून कधी येतिल का?
सांग माझ्या मानसीची
भावफुले फुलतील का?

प्रकाश सरला जीवनाचा
दिव्य किरण तव प्रीतीचा
मार्ग माझ्या जीवनाचा
कधी सख्या उजळेल का?

काय जादू केली नकळे
वेड जीवाला तुझे लागले
भिन्‍न अपुली दोन हृदये
एकरूप कधी होतिल का?
गीत- मा. ग. पातकर
संगीत - गजानन वाटवे
स्वर - भानुमती कंस
गीत प्रकार - भावगीत