A Non-Profit Non-Commercial Public Service Initiative by Alka Vibhas   
अप्सरा स्वर्गातुन आली

इंद्रधनूच्या कमानीतुनी अवतरली खाली
अप्सरा स्वर्गातुन आली

पदन्यास हे झंकाराचे
कोरिव लेणे शृंगाराचे
जणू सांज ही रविकिरणांच्या तेजाने न्हाली

जलवंतीच्या निळ्या दर्पणी
न्याहळसी का तनू देखणी?
नजर बोलता लाज अशी का साज नवा ल्याली?

अनेक रूपी, अनेक रंगी
भासलीस तू सखे शुभांगी
स्वप्‍नमयूरी आज प्रियाला साद जणू घाली
गीत- जगदीश खेबूडकर
संगीत - बाळ पळसुले
स्वर - महेंद्र कपूर
चित्रपट- पाटलीण
गीत प्रकार - चित्रगीत
लेणे - वस्‍त्र / अलंकार / भिंतीवरील अथवा दगडावरील कोरीव काम.