गोकुळीच्या ग आम्ही नारी, छळितो बाई तुझा मुरारी
खोड्या करितो ग अमुच्या भारी

असा कसा खट्याळ तुझा कान्हा, यशोदे तुझा कान्हा
काही केल्या मला आवरेना ग बाई आवरेना !

मध्यरात्री आला चोरावाणी
यांची बांधिली दाढी आणि माझी वेणी
ओढाओढीत मोडल्या आमच्या माना
काही केल्या मला आवरेना ग बाई आवरेना !

मथुरेची हा अडवितो ग वाट
फोडितो दह्यादुधांचे ग माठ
भर रस्त्यात घाली धिंगाणा
काही केल्या मला आवरेना ग बाई आवरेना !

ऐकुनी मुरलीचे सूर
लागते मनी हुरहुर
घरकामात मन करमेना
काही केल्या मला आवरेना ग बाई आवरेना !