A Non-Profit Non-Commercial Public Service Initiative by Alka Vibhas   
अवघे गर्जे पंढरपूर

अवघे गर्जे पंढरपूर
चालला नामाचा गजर

टाळघोष कानी येती
ध्यानी विठ्ठलाची मूर्ती
पांडुरंगी नाहले हो
चंद्रभागा नीर

इडापिडा टळुनि जाती
देहाला या लाभे मुक्ती
नामरंगी रंगले हो
संतांचे माहेर

देव दिसे ठाई ठाई
भक्त लीन भक्तापाई
सुखालागी आला या हो
आनंदाचा पूर
गीत - अशोकजी परांजपे
संगीत - पं. जितेंद्र अभिषेकी
स्वराविष्कार- प्रकाश घांग्रेकर
शौनक अभिषेकी
( गायकांची नावे कुठल्याही विशिष्ट क्रमाने दिलेली नाहीत. )
नाटक - गोरा कुंभार
राग - आसावरी, जौनपुरी
गीत प्रकार - नाट्यगीत, विठ्ठल विठ्ठल

 

Print option will come back soon
  प्रकाश घांग्रेकर
  शौनक अभिषेकी