बाळ गुणी तू कर अंगाई
बाळ गुणी तू कर अंगाई
जोजविते रे तुजला आई !
तुझा चंदनी लाल पाळणा
जाईजुईचा मऊ बिछाना
झुलती वरती राघूमैना
मागेपुढती झोका जाई
निजले तारे निजले वारे
शांत झोपली रानपाखरे
जग भवतीचे निजले सारे
चंद्रहि करितो गाई गाई
मंद पाउली येते रजनी
शिणले डोळे जागजागुनी
अजुनी मिटेना कशी पापणी?
नीज लडिवाळा नीज लवलाही
जोजविते रे तुजला आई !
तुझा चंदनी लाल पाळणा
जाईजुईचा मऊ बिछाना
झुलती वरती राघूमैना
मागेपुढती झोका जाई
निजले तारे निजले वारे
शांत झोपली रानपाखरे
जग भवतीचे निजले सारे
चंद्रहि करितो गाई गाई
मंद पाउली येते रजनी
शिणले डोळे जागजागुनी
अजुनी मिटेना कशी पापणी?
नीज लडिवाळा नीज लवलाही
| गीत | - | शान्ता शेळके |
| संगीत | - | राम कदम |
| स्वर | - | सुधीर फडके, सुमन कल्याणपूर |
| चित्रपट | - | भाग्यलक्ष्मी |
| गीत प्रकार | - | चित्रगीत |
| लवलाही | - | लवकर. |
Print option will come back soon
दाद द्या अन् शुद्ध व्हा !
सुधीर फडके, सुमन कल्याणपूर