बाळ उतरे अंगणीं
बाळ उतरे अंगणीं :
आंबा ढाळतो सावली,
चिमुकल्या पायांखाली
सारी मख्मल सावळी.
बाळ उतरे अंगणीं :
खाली वाकली सायली,
हातीं बाळाच्या यावींत
फुलें-फुलांची डहाळी.
बाळ उतरे अंगणीं :
भान कशाचें ना त्याला,
उंचावून दोन्ही मुठी
कण्या शिंपतो चिऊला.
बाळ उतरे अंगणीं :
कसें कळालें चिऊला?
भराभरा उतरून
थवा पाखरांचा आला.
धिटुकल्या चिमण्यांची
बाळाभोवती खेळण
चिमुकल्या अंगणाची
बाळाभोवती राखण.
आंबा ढाळतो सावली,
चिमुकल्या पायांखाली
सारी मख्मल सावळी.
बाळ उतरे अंगणीं :
खाली वाकली सायली,
हातीं बाळाच्या यावींत
फुलें-फुलांची डहाळी.
बाळ उतरे अंगणीं :
भान कशाचें ना त्याला,
उंचावून दोन्ही मुठी
कण्या शिंपतो चिऊला.
बाळ उतरे अंगणीं :
कसें कळालें चिऊला?
भराभरा उतरून
थवा पाखरांचा आला.
धिटुकल्या चिमण्यांची
बाळाभोवती खेळण
चिमुकल्या अंगणाची
बाळाभोवती राखण.
| गीत | - | इंदिरा संत |
| संगीत | - | गिरीश जोशी |
| स्वर | - | पद्मजा फेणाणी-जोगळेकर |
| गीत प्रकार | - | भावगीत |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !