A Non-Profit Non-Commercial Public Service Initiative by Alka Vibhas   
बघा ना छळतो हा

बघा ना छळतो हा, छळतो हा वारा असा?
ओढुनी अंचल हा, अंचल हा पळतो असा !

आळ वृथा का या वार्‍यावर, वार्‍याहुन मन चंचल, आवर !
कशी आवरु हलता झुलता तव नयनांचा आरसा !

इथेच झाले नील जलावर, स्वर्ग-धरेचे मीलन सुंदर
प्रतिबिंबाला बिंब पाहता वेडावुनी मज राजसा !

भावमधूर ही फुले मनोहर, बहरून आली पर्णपाचूवर
सहवासाचा सुगंध अपुला परिमळ तो हा गोडसा !

 

Print option will come back soon