A Non-Profit Non-Commercial Public Service Initiative by Alka Vibhas   
बघुनि त्या भयंकर भूता

बघुनि त्या भयंकर भूता फोडिली तिनें किंकाळी ।
या हृदया चरका बसला, कळवले मनहि त्या काळीं ।
परि बाप तिचा तो कसला चांडाळ पूर्विचा वैरी ।
तिळभरही द्रवला नाहीं उलट त्या बिचारिस मारी ।
ती दीन भयाकुल मुद्रा रात्रंदिन दिसते बाई ।
रडविलें तिनें मज कितिदां दचकतें भिउनि शयनींही ॥
गीत- गो. ब. देवल
संगीत - गो. ब. देवल
स्वर -
नाटक- संगीत शारदा
चाल-जळो ग यांचं स्‍नान
गीत प्रकार - नाट्यगीत
चरका - चटका.