A Non-Profit Non-Commercial Public Service Initiative by Alka Vibhas   
भाग्य उजळले तुझे चरण

भाग्य उजळले, तुझे चरण पाहिले.

लागुनिया तुझे चरण
घर झाले हे पावन
इडापिडा जाति टळुन, हृदय विकसले.

करुणेचा तू ठेवा
केली कशितरि सेवा
गोड करुनि परि देवा, सकळ घेतले.

आता परि करिसि गमन
पुनः पुनः दे दर्शन
हेचि विनवि शिर नमवुन, हात जोडिले.
गीत- भा. रा. तांबे
संगीत - दशरथ पुजारी
स्वर - माणिक वर्मा
राग- भैरवी
गीत प्रकार - भक्तीगीत
इडापिडा - सर्व दु:ख, संकट.