बोलावा विठ्ठल पहावा विठ्ठल
बोलावा विठ्ठल पहावा विठ्ठल ।
करावा विठ्ठल जीवभाव ॥१॥
येणें सोसें मन जालें हांवभरे ।
परती माघारें घेत नाहीं ॥२॥
बंधनापासूनि उकलल्या गांठी ।
देतां आली मिठी सावकाशें ॥३॥
तुका ह्मणे देह भरिला विठ्ठलें ।
कामक्रोधें केलें घर रीतें ॥४॥
करावा विठ्ठल जीवभाव ॥१॥
येणें सोसें मन जालें हांवभरे ।
परती माघारें घेत नाहीं ॥२॥
बंधनापासूनि उकलल्या गांठी ।
देतां आली मिठी सावकाशें ॥३॥
तुका ह्मणे देह भरिला विठ्ठलें ।
कामक्रोधें केलें घर रीतें ॥४॥
| रचना | - | संत तुकाराम |
| संगीत | - | पं. जितेंद्र अभिषेकी |
| स्वराविष्कार | - |
∙
पं. जितेंद्र अभिषेकी
∙ किशोरी आमोणकर ∙ प्रभाकर कारेकर ( गायकांची नावे कुठल्याही विशिष्ट क्रमाने दिलेली नाहीत. ) |
| गीत प्रकार | - | संतवाणी , विठ्ठल विठ्ठल |
टीप - • स्वर- पं. जितेंद्र अभिषेकी, संगीत- पं. जितेंद्र अभिषेकी. • स्वर- किशोरी आमोणकर, संगीत- किशोरी आमोणकर, राग- विभास व तोडी संमिश्र. • स्वर- पं. रामदास कामत, संगीत- ???. |
| सोसे | - | आग्रहाने. |
भावार्थ-
- विठ्ठल बोलावे व विठ्ठलाला पहावे. जिवाचा जिवलग विठ्ठलालाच करावे.
- मन विठ्ठलाकरिता हांवरे झाले असून आग्रह धरते. तेथून ते परत मागे येत नाही.
- संसाराचे बंधन मी सोडून टाकले आहे. त्यामुळे मला सावकाश विठ्ठलाला मिठी मारायला मिळाली.
- काम क्रोध निघून गेल्यामुळे देहरूपी घर रिकामे होऊन तेथे आता सगळा विठुराया भरून राहिला आहे.
गो. वि. नामजोशी
संत तुकारामाची सार्थ अभंगवाणी
सौजन्य- सुलभ प्रकाशन, मुंबई
इतर भावार्थ
दाद द्या अन् शुद्ध व्हा !