A Non-Profit Non-Commercial Public Service Initiative by Alka Vibhas   
बोलूं ऐसे बोले

बोलूं ऐसे बोले । जेणें बोलें विठ्ठल डोले ॥१॥

प्रेम सर्वांगाचे ठायीं । वाचें विठ्ठल रखुमाई ॥२॥

नाचूं कीर्तनाचे रंगीं । ज्ञानदीप लावूं जगीं ॥३॥

परेहुनि परतें घर । तेथें राहूं निरंतर ॥४॥

सर्वसत्ता आली हातां । नामयाचा खेचर दाता ॥५॥
रचना-संत नामदेव
संगीत -
स्वर - छोटा गंधर्व
गीत प्रकार - संतवाणी विठ्ठल विठ्ठल
ठाय - स्थान, ठिकाण.
परते - परत / पलीकडे.
परा - वाणी, भाषा.