A Non-Profit Non-Commercial Public Service Initiative by Alka Vibhas   
चल रानात सजणा

चल रानात सजणा
आंबेवनात जाऊ या दूर

राया, गुपीत अपुलं फुटलं
जग भोंतीचं बोलत सुटलं
उठे काहूर, लागे हुरहूर
आंबेवनात जाऊ या दूर

चांदण्याची पांघरुन शाल
लुटू आनंद धुंद खुशाल
बघु नवतीचा दुनियेचा नूर
आंबेवनात जाऊ या दूर

नको संकोच भीती मनात
सख्या, जीवाची करू चांदरात
दाटे प्रीतीचा रंगरस-पूर
आंबेवनात जाऊ या दूर

जीवाजिवाची मंजुळ गाणी
जीवाजिवाची प्रेमळ गाणी
बसू गात पाखरावाणी
फिरु गात पाखरावाणी
धरु प्रीतीचा एक ताल-सूर
आंबेवनात जाऊ या दूर
गीत- स. अ. शुक्ल
संगीत - जी. एन्‌. जोशी
स्वर - जी. एन्‌. जोशी
गीत प्रकार - भावगीत
नवती - नवी पालवी.

 

This 👇 player works on all android and iOS devices also
  जी. एन्‌. जोशी