A Non-Profit Non-Commercial Public Service Initiative by Alka Vibhas   
छेडियल्या तारा

छेडियल्या तारा
ते गीत येईना जुळून !
फुलते ना फूल तोच
जाय पाकळी गळून !

आकारून येत काहि
विरते निमिषात तेहि
स्वप्‍नचित्र पुसुनि जाय
रंग रंग ओघळून !

क्षितिजाच्या पार दूर
मृगजळास येइ पूर
लसलसते अंकुर हे
येथ चालले जळून !
गीत - शान्‍ता शेळके
संगीत - पं. जितेंद्र अभिषेकी
स्वराविष्कार- पं. वसंतराव देशपांडे
शौनक अभिषेकी
( गायकांची नावे कुठल्याही विशिष्ट क्रमाने दिलेली नाहीत. )
नाटक - हे बंध रेशमाचे
राग - मिश्र मांड
गीत प्रकार - नाट्यगीत
निमिष - पापणी लवण्यास लागणारा काळ.
मृगजळ - आभास.
लसलशीत - टवटवीत.

 

Print option will come back soon
  पं. वसंतराव देशपांडे
  शौनक अभिषेकी