A Non-Profit Non-Commercial Public Service Initiative by Alka Vibhas   
दादाचं घर बाई उन्हात

तुझी नि माझी जंमत वहिनी ऐक सांगते कानात
आपण दोघी बांधूया ग दादाचं घर बाई उन्हात

उगाच करतो खोडी ग, मलाच म्हणतो वेडी ग
तुला चिडवितो, मला रडवितो आणिक हसतो गालात

खेळ मला ग आणी ना, साडी तुजला देईना
ऐट दाखवी वरती आणिक सदा तो अपुल्या तोर्‍यात

वहिनी का ग हिरमुसली? नकोच का शिक्षा असली?
फितूर होशिल दादाला ही शंका येते मनात