दारा बांधतां तोरण
दारा बांधतां तोरण
घर नाचलें नाचलें;
आज येणार अंगणीं
सोनचाफ्याचीं पाउलें?
भिंती रंगल्या स्वप्नांनीं
झाल्या गजांच्या कर्दळी;
दार नटून उभेंच
नाही मिटायाची बोली !
सूर्यकिरण म्हणाले,
घालूं दारांत रांगोळी;
शिंपूं पायांवरी दंव
म्हणे वरून पागोळी !
भरूं ओंजळ फुलांनी
बाग म्हणे लहरून;
देईन मी आशीर्वाद
केळ म्हणाली हासून
येरझारा घाली वारा
गंध मोतिया घेउनी;
सोनचाफ्याचीं पाउलें
आज येतील अंगणीं !
सोनचाफ्याचीं पाउलें
आज आलीत अंगणीं !
घर नाचलें नाचलें;
आज येणार अंगणीं
सोनचाफ्याचीं पाउलें?
भिंती रंगल्या स्वप्नांनीं
झाल्या गजांच्या कर्दळी;
दार नटून उभेंच
नाही मिटायाची बोली !
सूर्यकिरण म्हणाले,
घालूं दारांत रांगोळी;
शिंपूं पायांवरी दंव
म्हणे वरून पागोळी !
भरूं ओंजळ फुलांनी
बाग म्हणे लहरून;
देईन मी आशीर्वाद
केळ म्हणाली हासून
येरझारा घाली वारा
गंध मोतिया घेउनी;
सोनचाफ्याचीं पाउलें
आज येतील अंगणीं !
सोनचाफ्याचीं पाउलें
आज आलीत अंगणीं !
| गीत | - | इंदिरा संत |
| संगीत | - | गिरीश जोशी |
| स्वर | - | पद्मजा फेणाणी-जोगळेकर |
| गीत प्रकार | - | भावगीत |
| पागोळी | - | छपरावरून पडणारी पाण्याची धार. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !