A Non-Profit Non-Commercial Public Service Initiative by Alka Vibhas   
दासांचाही दास श्रीहरी

दासांचाही दास श्रीहरी नंदाचा नंदन
घाशितो नाथाघरी चंदन

कावडीवर कावडी
ओतिल्या आणुनिया तांतडी
विसरला भक्तसखा मीपण

नाथासह कीर्तनी
आपुल्या रंगे गुणगायनी
साथ दे चिपळ्यांची डोलून

भक्ताघरी राबतो
सहज तो भक्तांना लाभतो
प्रभूला भक्तीचे बंधन
गीत - ग. दि. माडगूळकर
संगीत - वसंत पवार
स्वर- कुमुद अभ्यंकर
चित्रपट - बाळा जो जो रे
गीत प्रकार - चित्रगीत, भक्तीगीत
कावड - जड पदार्थ नेण्यासाठी आडव्या बांबूच्या दोन टोकांस दोन दोर्‍या बांधून त्याला ओझी अडकवण्याची केलेली व्यवस्था.