देवा दया तुझी की
देवा, दया तुझी की ही शुद्ध दैवलीला
लागो न दृष्ट माझी माझ्याच वैभवाला !
भाळावरी बसे या निष्ठूर ही कुठार
घावांतुनी उडावे कैसे सुधा-तुषार
निर्जीव जन्म माझा त्या अमृतात न्हाला
माझ्या मुलास लाभे सुखछत्र रे पित्याचे
ही प्रीतीची कमाई की भाग्य नेणत्याचे
उद्ध्वस्त मांडवाच्या दारी वसंत आला
सौख्यात नांदताना का दुःख आठवावे?
जे नामशेष झाले ते काय साठवावे?
हास्यात आजच्या या कळ कालची कशाला?
लागो न दृष्ट माझी माझ्याच वैभवाला !
भाळावरी बसे या निष्ठूर ही कुठार
घावांतुनी उडावे कैसे सुधा-तुषार
निर्जीव जन्म माझा त्या अमृतात न्हाला
माझ्या मुलास लाभे सुखछत्र रे पित्याचे
ही प्रीतीची कमाई की भाग्य नेणत्याचे
उद्ध्वस्त मांडवाच्या दारी वसंत आला
सौख्यात नांदताना का दुःख आठवावे?
जे नामशेष झाले ते काय साठवावे?
हास्यात आजच्या या कळ कालची कशाला?
| गीत | - | ग. दि. माडगूळकर |
| संगीत | - | श्रीनिवास खळे |
| स्वर | - | सुमन कल्याणपूर |
| चित्रपट | - | बोलकी बाहुली |
| गीत प्रकार | - | चित्रगीत |
| कुठार | - | कुर्हाड. |
| नेणता | - | अजाण. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !