A Non-Profit Non-Commercial Public Service Initiative by Alka Vibhas   
देवा हो सख्या पांडुरंगा

देवा हो सख्या पांडुरंगा
दर्शन दे मजला श्रीरंगा

भक्त तुझा तो नामा थोर
त्यांस दाविलें रूप मनोहर
तुम्हीच दिधला पुंडलिका वर
तुकयासाठीं धाउनी गेला,
तारिलेंसी अभंगा

उद्धरीलें तूं ध्रुवबाळाला
तारियले तूं प्रह्लादाला
अशी तुझी ही अगाध लीला,
चालविलेंसी अपंगा
गीत -
संगीत -
स्वर- विठ्ठल शिंदे
गीत प्रकार - भक्तीगीत
ध्रुव - उत्तानपादराजाचा मुलगा. याचा लहानपणी अपमान व निर्भत्‍सना केला गेल्याने रागावून याने वनात मोठे तप केले व ध्रुव (अढळ)पद मिळविले.
प्रह्लाद - हिरण्यकशिपू पुत्र. याच्या रक्षणार्थ विष्णूने नारसिंहावतार घेऊन हिरण्यकशिपूस मारिले.