A Non-Profit Non-Commercial Public Service Initiative by Alka Vibhas   
देवापुडं मानूस पालापाचोळा

आरं आरं मानसा, तू येडा का खुळा रं?
देवापुडं मानूस पालापाचोळा रं

घडीभरी न्हाई कुनाचा भरोसा
तुला कोन देई मनाचा दिलासा?
वार्‍यावरी फिरतो हा जीव पांगळा रं
देवापुडं मानूस पालापाचोळा रं

सार्‍या दुनियेचा देव जन्मदाता
आम्ही बनवितो त्यास भगवंता
देवाघरी मानसाचा न्याय आंधळा रं
देवापुडं मानूस पालापाचोळा रं

मीठ-साखरेचं रूप जरी गोरं
एक होई गोड, एक होई खारं
दुधासंगं दोघांचा बी, धर्म येगळा रं
देवापुडं मानूस पालापाचोळा रं

नको अभिमान, नको ही निराशा
जल्माचा जुगार नशिबाचा फासा
हिम्मतीनं होई तुजा मार्ग मोकळा रं
देवापुडं मानूस पालापाचोळा रं
गीत - जगदीश खेबूडकर
संगीत - राम कदम
स्वर- सुरेश वाडकर
चित्रपट - देवा पुढं माणूस
गीत प्रकार - चित्रगीत

 

Print option will come back soon