A Non-Profit Non-Commercial Public Service Initiative by Alka Vibhas   
दिनरात तुला मी किती

दिनरात तुला मी किती स्मरू
जन हसति मला मी काय करू?

भरल्या नयनी हात जोडुनी
सांगु कुणाला काय म्हणोनी?
काहुर मनिचे येता दाटुनि
माझि मला मी कशी सावरू?

कितिकदा मज बघुनी कष्टी
जे येती ते वेडी म्हणती
मुग्ध कळीपरी मिटल्या ओठी
ध्यानिमनी मी अशि किती झुरू?

निराधार मी धुळीस मिळुनी
गेले वेढुनी चहु बाजूनी
खिन्‍न जगी या बंदिवान मी
तुला नव्हे तर कुणा विचारू?
गीत - रमेश अणावकर
संगीत - वसंत प्रभु
स्वर- सुमन कल्याणपूर
गीत प्रकार - भावगीत
काहूर - मनातील गोंधळ, बेचैनी.

Please consider the environment before printing.
कागद वाचवा.
कृपया पर्यावरणाचा विचार करा.