दिवाळी येणार अंगण सजणार
दिवाळी येणार, अंगण सजणार, आनंद फुलणार घरोघरी
आमच्या घरी अन् तुमच्या घरी !
रुप्याच्या ताटात, दिवा नि अक्षत, ओवाळणी थाटात घरोघरी आमच्या घरी अन् तुमच्या घरी !
रांगोळीने सजेल उंबरठा, पणत्यांचा उजेड मिणमिणता
नक्षीदार आकाशकंदील, नभांत सरसर चढतील
ताई भाऊ जमतील, गप्पा-गाणी करतील
प्रेमाच्या झरतील वर्षासरी,
आमच्या घरी अन् तुमच्या घरी !
सनईच्या सुरांत होईल पहाट, अत्तराचं पाणी, स्नानाचा थाट
गोड गोड फराळ पंगतीला, आवडती सारी संगतीला
फुलबाज्या झडतील, फटाके फुटतील
सौभाग्य लुटतील घरोघरी
आमच्या घरी अन् तुमच्या घरी !
देवापाशी मागेन एकच दान, भावाच्या यशाची चढो कमान
औक्ष असू दे बळकट, नको करू ताटातूट
चंद्रज्योती हसणार, फिक्या फिक्या होणार
भावाविण अंधार दाटे उरी,
आमच्या घरी अन् तुमच्या घरी !
आमच्या घरी अन् तुमच्या घरी !
रुप्याच्या ताटात, दिवा नि अक्षत, ओवाळणी थाटात घरोघरी आमच्या घरी अन् तुमच्या घरी !
रांगोळीने सजेल उंबरठा, पणत्यांचा उजेड मिणमिणता
नक्षीदार आकाशकंदील, नभांत सरसर चढतील
ताई भाऊ जमतील, गप्पा-गाणी करतील
प्रेमाच्या झरतील वर्षासरी,
आमच्या घरी अन् तुमच्या घरी !
सनईच्या सुरांत होईल पहाट, अत्तराचं पाणी, स्नानाचा थाट
गोड गोड फराळ पंगतीला, आवडती सारी संगतीला
फुलबाज्या झडतील, फटाके फुटतील
सौभाग्य लुटतील घरोघरी
आमच्या घरी अन् तुमच्या घरी !
देवापाशी मागेन एकच दान, भावाच्या यशाची चढो कमान
औक्ष असू दे बळकट, नको करू ताटातूट
चंद्रज्योती हसणार, फिक्या फिक्या होणार
भावाविण अंधार दाटे उरी,
आमच्या घरी अन् तुमच्या घरी !
| गीत | - | यशवंत देव |
| संगीत | - | यशवंत देव |
| स्वर | - | अनुराधा पौडवाल |
| चित्रपट | - | माझा मुलगा (१९७६) |
| गीत प्रकार | - | चित्रगीत |
| चंद्रज्योती | - | चंद्रजोती. चंद्रासारखा प्रकाश देणारे दारुकाम (भुईनळा, चक्र, इ.) |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !