गडद निळे गडद निळे
गडद निळे गडद निळे जलद भरुनि आले
शीतलतनु चपलचरण अनिलगण निघाले.
दिन लंघुनि जाय गिरी
पद उमटे क्षितिजावरि
पद्मरागवृष्टि होय माड भव्य न्हाले.
धुंद सजल हसित दिशा
तृणपर्णी सज्ज तृषा
तृप्तीचें धन घनांत बघुनि मन निवालें.
रजतनील, ताम्रनील
स्थिर पल जल, पल सलील
हिरव्या तटिं नावांचा कृष्ण मेळ खेळे.
मीन चमकुनी उसळे
जलवलयीं रव मिसळे
नवथर रसरंग गहन करिति नयन ओले.
टप, टप, टप पडति थेंब
मनिंवनिंचे विझति डोंब
वत्सल ये वास, भूमि आशीर्वच बोले.
शीतलतनु चपलचरण अनिलगण निघाले.
दिन लंघुनि जाय गिरी
पद उमटे क्षितिजावरि
पद्मरागवृष्टि होय माड भव्य न्हाले.
धुंद सजल हसित दिशा
तृणपर्णी सज्ज तृषा
तृप्तीचें धन घनांत बघुनि मन निवालें.
रजतनील, ताम्रनील
स्थिर पल जल, पल सलील
हिरव्या तटिं नावांचा कृष्ण मेळ खेळे.
मीन चमकुनी उसळे
जलवलयीं रव मिसळे
नवथर रसरंग गहन करिति नयन ओले.
टप, टप, टप पडति थेंब
मनिंवनिंचे विझति डोंब
वत्सल ये वास, भूमि आशीर्वच बोले.
गीत | - | बा. भ. बोरकर |
संगीत | - | |
स्वर | - | मालती पांडे |
गीत प्रकार | - | ऋतू बरवा |
टीप - • काव्य रचना - २७ मे १९३८ |
अनिल | - | वायु, वारा. |
गिरी | - | पर्वत, डोंगर. |
पद्मराग | - | लाल माणिक (रत्न). |
मेळ | - | गायनवादनासहित खेळ. |
मीन | - | मासा. |
रव | - | आवाज. |
लंघणे (उल्लंघणे) | - | ओलांडणे, पार करणे. |
सलील | - | खेळकर. |
हसित | - | मुख, नेत्र व गाल हे ज्यात किंचित विकसित दिसतील असे हसणे. |
Please consider the environment before printing.
कागद वाचवा.
कृपया पर्यावरणाचा विचार करा.