A Non-Profit Non-Commercial Public Service Initiative by Alka Vibhas   
गळ्यात घालुनी गळा

गळ्यात घालुनी गळा गाउया प्रीतिची गाणी
तू राजा अन्‌ मी राणी!
मी राजा अन्‌ तू राणी!

चल बिलगुनी चालू अधांतरी, या डोंगर माथ्यावरती
हे निळेनिळे आभाळ येईल तुझ्या न्‌ माझ्या हाती
कसे उरावे भान मला तू मिठीत ग साजणी
तू राजा अन्‌ मी राणी!
मी राजा अन्‌ तू राणी!

सूर बिलगले तुझ्या सुरांना, राहू रे मी कशी एकटी
मी तुझ्या रूपातच रे एकरूप झाले शेवटी
तू माझा अनुराग तुझी मी अनुरागी रागिणी
मी राजा अन्‌ तू राणी!
तू राजा अन्‌ मी राणी!
अनुराग - प्रेम, निष्ठा.

 

  आशा भोसले, महेंद्र कपूर