A Non-Profit Non-Commercial Public Service Initiative by Alka Vibhas   
घरात हसरे तारे असता

घरात हसरे तारे असता मी पाहु कशाला नभाकडे

छकुल्यांची ग प्रशांत वदने
गोड गुलाबी गाली हसणे
अमृत त्यांच्या ओठी असता कशास मधुघट हवा गडे

गोजिरवाणी जशी वासरे
प्रेमळ माझी गुणी लेकरे
स्वर्ग अवतरे घरात माझ्या आनंदाचे पडति सडे

गोकुळ येथे गोविंदाचे
झरे वाहती शांतिसुखाचे
वैभव पाहून मम सदनीचे ढगाआड ग चंद्र दडे
गीत- द. वि. केसकर
संगीत - वसंत प्रभू
स्वर - लता मंगेशकर
गीत प्रकार - भावगीत