A Non-Profit Non-Commercial Public Service Initiative by Alka Vibhas   
गोड गोजिरी लाज लाजरी

गोड गोजिरी, लाज लाजरी ताई तू होणार नवरी
फुलाफुलांच्या बांधुन माळा मंडप घाला ग दारी

करकमलाच्या देठावरती चुडा पाचुचा वाजे
हळदीहुनही पिवळा बाले रंग तुला तो साजे
नथणी-बुगडी लाजे,
रूप पाहुनी तुझे, बांधु ताई मणिमंगळसरी

भरजरी शालू नेसुनी झाली ताई आमुची गौरी
लग्‍नमंडपी तिच्या समोरी उभी तिकडची स्वारी
अंतरपाट सरे,
शिवा पार्वती वरे, लाडकी ही जाई ताई दुरी
बुगडी - स्‍त्रियांचे कर्णभूषण.

 

  उषा मंगेशकर, कृष्णा कल्ले