गोड गोजिरी लाजलाजरी
गोड गोजिरी, लाजलाजरी, ताई तू होणार नवरी
फुलाफुलांच्या बांधुन माळा मंडप घाला ग दारी
करकमलाच्या देठावरती चुडा पाचुचा वाजे
हळदीहुनही पिवळा बाले रंग तुला तो साजे
नथणी-बुगडी लाजे,
रूप पाहुनी तुझे, बांधु ताई मणिमंगळसरी
भरजरी शालू नेसुनी झाली ताई आमुची गौरी
लग्नमंडपी तिच्या समोरी उभी तिकडची स्वारी
अंतरपाट सरे,
शिवा पार्वती वरे, लाडकी ही जाई ताई दुरी
फुलाफुलांच्या बांधुन माळा मंडप घाला ग दारी
करकमलाच्या देठावरती चुडा पाचुचा वाजे
हळदीहुनही पिवळा बाले रंग तुला तो साजे
नथणी-बुगडी लाजे,
रूप पाहुनी तुझे, बांधु ताई मणिमंगळसरी
भरजरी शालू नेसुनी झाली ताई आमुची गौरी
लग्नमंडपी तिच्या समोरी उभी तिकडची स्वारी
अंतरपाट सरे,
शिवा पार्वती वरे, लाडकी ही जाई ताई दुरी
| गीत | - | पी. सावळाराम |
| संगीत | - | पं. हृदयनाथ मंगेशकर |
| स्वर | - | उषा मंगेशकर , कृष्णा कल्ले |
| चित्रपट | - | धर्मकन्या |
| गीत प्रकार | - | बालगीत , चित्रगीत |
| बुगडी | - | स्त्रियांचे कर्णभूषण. |
दाद द्या अन् शुद्ध व्हा !
उषा मंगेशकर, कृष्णा कल्ले