हा सागरी किनारा
ओला सुगंध वारा
ओल्या मिठीत आहे हा रेशमी निवारा

हा सागरी किनारा
ओला सुगंध वारा
ओल्या मिठीत येतो अंगावरी शहारा

मी कालचीच भोळी
मी आज तीच येडी
ही भेट येगळी का
न्यारीच आज गोडी
का भूल ही पडावी? वळखून घे इशारा
ओल्या मिठीत येतो अंगावरी शहारा

होते अजाणता मी
ते छेडले तराणे
स्विकारल्या सुरांचे
आले जुळून गाणे
हा रोम रोम गाई, गातो निसर्ग सारा
ओल्या मिठीत आहे हा रेशमी निवारा

बोलू मुकेपणाने
होकार ओठ देती
नाती तनामनांची
ही एकरूप होती
एकांत नाचतो हा फुलवूनिया पिसारा
ओल्या मिठीत येतो अंगावरी शहारा