A Non-Profit Non-Commercial Public Service Initiative by Alka Vibhas   
हरवले माझे काहीतरी

हरवले माझे काहीतरी
काय हरवले कसे हरवले काही कळेना परि

सहज कुणाला दुरुन पाहिले
ओठंगुन मी दूर राहिले
स्पर्शावाचून उगीच उमटला काटा अंगावरी

बघता बघता भुलले डोळे
त्या डोळ्यांतिल भाव निराळे
जागेपणी मज भूल घातली बाई कोणीतरी

लज्जा की ती होती भीती
अजुनी मज ते नसे माहिती
तिथुन परतले परि विसरले तेथे काहीतरी
गीत - ग. दि. माडगूळकर
संगीत - वसंत पवार
स्वर- आशा भोसले
चित्रपट - बाळा जो जो रे
गीत प्रकार - चित्रगीत
ओठंगणे - टेकणे.

Please consider the environment before printing.
कागद वाचवा.
कृपया पर्यावरणाचा विचार करा.