A Non-Profit Non-Commercial Public Service Initiative by Alka Vibhas   
हर्षाचा वर्षाचा दिवाळी

हर्षाचा, वर्षाचा
दिवाळी सण आला

कारंजी उठती तेजाळ
नाचती बाळ गोपाळ
आनंद दीप गोविंद
उधळतो चांदणी झेला

लक्षुमी देवता खरी
पुजितो दास श्रीहरी
भक्तीचा जीव प्रीतीचा
अंबरी दीप लखलखला

प्रतिपदा मूर्त मंगला
ओवाळी पतिदेवाला
हसता प्रेम अर्पिता
उतरला स्वर्ग भूमीतला
गीत- पी. सावळाराम
संगीत - वसंत प्रभू
स्वर - उषा मंगेशकर
चित्रपट- शिकलेली बायको
गीत प्रकार - चित्रगीत
झेला - गुच्छ / नक्षी.