हासरा नाचरा जरासा
हासरा नाचरा जरासा लाजरा
सुंदर साजिरा श्रावण आला
तांबुस कोमल पाऊल टाकित
भिजल्या मातीत श्रावण आला
मेघांत लावित सोनेरी निशाणे
आकाशवाटेने श्रावण आला
लपत छपत हिरव्या रानात
केशर शिंपीत श्रावण आला
इंद्रधनुष्याच्या बांधित कमानी
संध्येच्या गगनी श्रावण आला
लपे ढगामागे धावे माळावर
असा खेळकर श्रावण आला
सृष्टीत सुखाची करित पेरणी
आनंदाचा धनी श्रावण आला
सुंदर साजिरा श्रावण आला
तांबुस कोमल पाऊल टाकित
भिजल्या मातीत श्रावण आला
मेघांत लावित सोनेरी निशाणे
आकाशवाटेने श्रावण आला
लपत छपत हिरव्या रानात
केशर शिंपीत श्रावण आला
इंद्रधनुष्याच्या बांधित कमानी
संध्येच्या गगनी श्रावण आला
लपे ढगामागे धावे माळावर
असा खेळकर श्रावण आला
सृष्टीत सुखाची करित पेरणी
आनंदाचा धनी श्रावण आला
| गीत | - | कुसुमाग्रज |
| संगीत | - | गिरीश जोशी |
| स्वर | - | पद्मजा फेणाणी-जोगळेकर |
| गीत प्रकार | - | ऋतू बरवा, भावगीत |
Print option will come back soon
दाद द्या अन् शुद्ध व्हा !
पद्मजा फेणाणी-जोगळेकर