हिरवे पिवळे तुरे उन्हाचे
हिरवे पिवळे तुरे उन्हाचे
खोविलेस केसांत उगा कां;
वार्याचें हळु पीस फिरवुनी
उसळ्यास हिरव्या लहरी कां;
पिवळीं काळीं फूलपाखरें
फेकुनि मजवर, भिवविसि कां;
लाल फुलांनी भरतां ओंजळ
माझी मजवर उधळसि कां;
सहसा शिंपुनी गुलाबपाणी
ढगाआड दडलास वृथा कां;
प्रतिबिंबांनी निळ्याजांभळ्या
तनमन अवघें व्यापिसी कां;
अशी हरवली राणी मीरा.
अशी हरवली राधा गौळण.
असेंच मी मज हरवुन जावें
हेंच तुझ्या मनि जागत कां.
खोविलेस केसांत उगा कां;
वार्याचें हळु पीस फिरवुनी
उसळ्यास हिरव्या लहरी कां;
पिवळीं काळीं फूलपाखरें
फेकुनि मजवर, भिवविसि कां;
लाल फुलांनी भरतां ओंजळ
माझी मजवर उधळसि कां;
सहसा शिंपुनी गुलाबपाणी
ढगाआड दडलास वृथा कां;
प्रतिबिंबांनी निळ्याजांभळ्या
तनमन अवघें व्यापिसी कां;
अशी हरवली राणी मीरा.
अशी हरवली राधा गौळण.
असेंच मी मज हरवुन जावें
हेंच तुझ्या मनि जागत कां.
| गीत | - | इंदिरा संत |
| संगीत | - | वसंत आजगांवकर |
| स्वर | - | वसंत आजगांवकर |
| गीत प्रकार | - | भावगीत, हे श्यामसुंदर |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !