होणार स्वयंवर तुझे जानकी ग आता
जामात कोणता मिळेल न कळे ग ताता

ही लतेसारखी धरणीमधुनी आली
तो गगनामधुनी येईल का ग खाली?
देईल आलिंगन वेली मूर्त वसंता

तुज पती पाहिजे ग श्यामल मेघावाणी
ही आवड माझी तुला कथियली ग कोणी
डोळ्यांत तुझ्या ती दिसते येताजाता

तो तोच असावा ज्याची ऐकून कीर्ती
या मनी तयाची आकारून ये मूर्ती
लाजसी अशी का नाव तयाचे घेता

ते नाव जाहले अधरावर या रंग
त्या नामस्मरणे कंपित होते अंग
मिटतात लोचने बधिरपणा ये चित्ता