A Non-Profit Non-Commercial Public Service Initiative by Alka Vibhas   
जा रे चंद्रा क्षणभर जा

जा रे चंद्रा क्षणभर जा ना मेघांच्या पडद्यात
नवखी माझी राधाराणी लाजे येथ मनात

पहिलीवहिली गोड भेट ही
मनात काहूर असेच काही
फुलावयाचे इथे फूल रे नव्याच उन्मादात

वाट पाहते तुझी रोहिणी
मोह कुणाचा इथला अजुनी
शिकायची का शृंगाराची अमुची नाजुक रीत

पुरे अता ना छळणूक असली
तुझ्या प्रकाशी रति रुसली
तिच्या मनाचे गुज ऐकू दे मजला अंधारात

उद्या रात्रीला पुन्हाच ये पण
आज रात्रीची तेव्हा सांगीन
मधुराणीची गोड कहाणी तुलाच एकान्‍तात
गुज - गुप्‍त गोष्ट, कानगोष्ट.

Please consider the environment before printing.
कागद वाचवा.
कृपया पर्यावरणाचा विचार करा.