A Non-Profit Non-Commercial Public Service Initiative by Alka Vibhas   
जैसी गंगा वाहे तैसे

जैसी गंगा वाहे तैसे ज्याचे मन ।
भगवंत जाण त्याचे जवळी ॥१॥

त्याचे जवळी देव भक्तीभावे उभा ।
स्वानंदाचा गाभा तया दिसे ॥२॥

तया दिसे रूप अंगुष्ठ प्रमाण ।
अनुभवी खूण जाणती हे ॥३॥

जाणती हे खूण स्वात्म अनुभावी ।
तुका ह्मणे पदवी ज्याची त्याला ॥४॥
रचना-संत तुकाराम
संगीत -
स्वर - प्रभाकर कारेकर
गीत प्रकार - संतवाणी

 

  प्रभाकर कारेकर