A Non-Profit Non-Commercial Public Service Initiative by Alka Vibhas   
जमले तितुके केले तरीही

जमले तितुके केले तरीही करणे उरले काही
नकोस येऊ मरणा अजुनी, जगणे सरले नाही

ऐकुनिया ही आजवरी जी गायिलीत मी गाणी
हसेल जर का कधी कुणाच्या पापणीतले पाणी
सार्थकता स्वरयात्रेची या याहुन दुसरी नाही

कुणि न गायिले असले गाइन जेव्हा केव्हा गीत
अखेरचे हे मूक हो‍उनी जावे तेव्हा ओठ
अमर गीत ते युगांतरीचे स्मारक माझे होई
गीत- वसंत निनावे
संगीत - सी. रामचंद्र
स्वर - सी. रामचंद्र
गीत प्रकार - भावगीत