जन्मच हा तुजसाठी
जन्मच हा तुजसाठी, प्रिया रे
नव्हत्या माहीत मज वेडीला जन्मांतरीच्या गाठी
मनात आला विनोद केवळ
बोलून गेले काही अवखळ
ओठी होती अल्लड बोली, आपुलकी पोटी
चुरगळली मी हिरवी पाने
सहजपणाने, अज्ञानाने
आज उमटली लालस मेंदी तळहाती, बोटी
परिहासाची विसर बोलणी
आठव होते काय लोचनी
परिचय झाला प्रणयासाठी, परिणय शुभ शेवटी
नव्हत्या माहीत मज वेडीला जन्मांतरीच्या गाठी
मनात आला विनोद केवळ
बोलून गेले काही अवखळ
ओठी होती अल्लड बोली, आपुलकी पोटी
चुरगळली मी हिरवी पाने
सहजपणाने, अज्ञानाने
आज उमटली लालस मेंदी तळहाती, बोटी
परिहासाची विसर बोलणी
आठव होते काय लोचनी
परिचय झाला प्रणयासाठी, परिणय शुभ शेवटी
| गीत | - | ग. दि. माडगूळकर |
| संगीत | - | सुधीर फडके |
| स्वर | - | आशा भोसले |
| चित्रपट | - | गरिबाघरची लेक |
| गीत प्रकार | - | चित्रगीत |
| परिणय | - | विवाह. |
| परिहास | - | थट्टा, विनोद. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !